Символ, рекше исповедание, преосвященнаго Афанасия патриарха Александрийскаго.

(Proof-read this section; I think it came from the Old Rite text.)

Иже хощет спастися, прежде всех подобает ему держати кафолическую веру. еяже аще кто целы и непорочны не соблюдает, кроме всякаго недоумения, вовеки погибнет. Вера же кафолическая сия есть, да единаго Бога в Троице, и Троицу во единице почитаем, ниже сливающе составы, ниже существо разделяюще. Ин бо есть состав Отечь, ин Сыновнее и Святаго Духа. но Отчее и Сыновнее и Святаго Духа, едино есть Божество, равна слава, соприсносущно величество. яков Отец, таков Сын, таков и Святыи Дух. не создан Отец, не создан Сын, не создан и Святыи Дух. непостижим Отец, непостижим Сын, непостижим Дух Святыи. Вечен Отец, вечен Отец, вечен Сын, вечен и Святыи Дух. обаче не три вечны, но един вечныи. якоже не три непостижимии, ниже три несозданнии, но един несозданныи, и един непостижимыи. Подобне, вседержитель Отец, вседержитель Сын, вседержитель и Дух Святыи. обаче не три вседержители, но един вседержитель. Тако, Бог Отец, Бог Сын, Бог и Дух Святыи. обаче не три бози, но един Бог. равне, Господь Отец, Господь Сын, Господь и Дух Святыи. обаче не три господие, но един есть Господь. зане якоже особно койждо состав Бога и Господа исповедати, христианскою истинною понуждаемся, тако три боги, или три господы, глаголати, кафолическим благочестием возбраняемся. Отец ни от кого есть сотворен, ни создан, ниже рожден. Сын от Отца самого есть, не сотворен, ни создан, но рожден. Дух Святыи ни рожден ни создан, но исходящь. един убо есть Отец, не три отцы. един Сын, не три сыны. един Дух Святыи, не три дуси святии. И в сей Святей Троице ничтоже первое, или последнее, ничтоже более, или мнее, но целы три составы соприсносущны суть себе и равны. Сице яко да по всему, якоже предречеся, Троица во единице, и единица в Троице почитается. хотяи убо спастися, тако о Святей Троице да мудрствует.

О Христе.

Но нужно есть, к вечному спасению, да и о воплощении Господа нашего Iсуса Христа известно веровати. есть же правая вера, да веруем и исповедуем, яко Господь наш Iсус Христос Сын Божии, Бог и человек есть; Бог от существа Отча прежде век рожденыи. и человек есть от существа матерня во времени рожденныи. совершенныи Бог, и совершенныи человек, от души словесныя и человеческия плоти состояи. равен Отцу по Божеству, мнии Отца по человечеству. Иже убо аще и Бог есть человек, обаче не два, но един есть Христос. един же не пременением божества в плоть, но восприятием человечества в божество. един всяко, не слиянием естеств, но единством состава. якоже бо душа словесная и плоть, един есть человек, тако Бог и человек, един есть Христос, пострадавыи спасения нашего ради, и сошедыи во ад, и в третии день воскресыи из мертвых, и возъшедыи на небеса, и седыи одесную Бога и Отца Вседержителя, отонудуже приидет судити живым и мертвым. Егоже пришествием вси человецы воскреснут с телесы своими, и воздадут о своих делех ответ. и убо благая соделавшии пойдут в жизнь вечную, злая же во огнь вечныи. Сия есть кафолическая вера, еяже аще кто верно и известно верити не будет, спастися не возможет."

Another version: definitely from the Old Rite:

Символ, рекше исповедание, преосвященнаго Афанасия патриарха Александрийскаго.

Иже хощет спастися, прежде всех подобает ему держати кафолическую веру. еяже аще кто целы и непорочны не соблюдает, кроме всякаго недоумения, вовеки погибнет. Вера же кафолическая сия есть, да единаго Бога в Троице, и Троицу во единице почитаем, ниже сливающе составы, ниже существо разделяюще. Ин бо есть состав Отечь, ин Сыновнее и Святаго Духа. но Отчее и Сыновнее  и Святаго Духа, едино есть Божество, равна слава, соприсносущно величество. яков Отец, таков Сын, таков и Святыи Дух. не создан Отец, не создан Сын, не создан и Святыи Дух. непостижим Отец, непостижим Сын, непостижим Дух Святыи. Вечен Отец, вечен Отец, вечен Сын, вечен и Святыи Дух. обаче не три вечны, но един вечныи. якоже не три непостижимии, ниже три несозданнии, но един несозданныи, и един непостижимыи. Подобне, вседержитель Отец, вседержитель Сын, вседержитель и Дух Святыи. обаче не три вседержители, но един вседержитель. Тако, Бог Отец, Бог Сын, Бог и Дух Святыи. обаче не три бози, но един Бог. равне, Господь Отец, Господь Сын, Господь и Дух Святыи. обаче не три господие, но един есть Господь. зане якоже особно койждо состав Бога и Господа исповедати, христианскою истинною понуждаемся, тако три боги, или три господы, глаголати, кафолическим благочестием возбраняемся. Отец ни от кого есть сотворен, ни создан, ниже рожден. Сын от Отца самого есть, не сотворен, ни создан, но рожден. Дух Святыи ни рожден ни создан, но исходящь. един убо есть Отец, не три отцы. един Сын, не три сыны. един Дух Святыи, не три дуси святии. И в сей Святей Троице ничтоже первое, или последнее, ничтоже более, или мнее, но целы три составы соприсносущны суть себе и равны. Сице яко да по всему, якоже предречеся, Троица во единице, и единица в Троице почитается. хотяи убо спастися, тако о Святей Троице да мудрствует.

О Христе.

Но нужно есть, к вечному спасению, да и о воплощении Господа нашего Iсуса Христа известно веровати. есть же правая вера, да веруем и исповедуем, яко Господь наш Iсус Христос Сын Божии, Бог и человек есть; Бог от существа Отча прежде век рожденыи. и человек есть от существа матерня во времени рожденныи. совершенныи Бог, и совершенныи человек, от души словесныя и человеческия плоти состояи. равен Отцу по Божеству, мнии Отца по человечеству. Иже убо аще и Бог есть человек, обаче не два, но един есть Христос. един же не пременением божества в плоть, но восприятием человечества в божество. един всяко, не слиянием естеств, но единством состава. якоже бо душа словесная и плоть, един есть человек, тако Бог и человек, един есть Христос, пострадавыи спасения нашего ради, и сошедыи во ад, и в третии день воскресыи из мертвых, и возъшедыи на небеса, и седыи одесную Бога и Отца Вседержителя, отонудуже приидет судити живым и мертвым. Егоже пришествием вси человецы воскреснут с телесы своими, и воздадут о своих делех ответ. и убо благая соделавшии пойдут в жизнь вечную, злая же во огнь вечныи. Сия есть кафолическая вера, еяже аще кто верно и известно верити не будет, спастися не возможет.

Another version (probably from the New Rite):

Символъ, рекше Исповѣданіе, иже во святыхъ Отца нашего Аѳанасія, Патріарха Александрійскаго.

Если кто хочетъ спастись, прежде всего надлежитъ ему содержать вселенскую [каѳолическую] Вѣру, которой если кто цѣлой и непорочной не соблюдаетъ, безъ всякаго сомнѣнія, во вѣки погибнетъ.

Вѣра же каѳолическая сія есть: да единаго Бога въ Троицѣ, и Троицу во единицѣ почитаемъ, ни сливающе ипостаси [лицъ], ни существо раздѣляюще.

Иная бо есть ипостась Отчая, иная Сыновняя, иная Святаго Духа: но Отчее, и Сыновнее, и Святаго Духа, едино есть Божество, равная слава, соприсносущное величество. Каковъ Отецъ, таковъ Сынъ, таковъ и Святый Духъ.

Несозданъ Отецъ, несозданъ Сынъ, несозданъ и Святый Духъ. Непостижимъ Отецъ, непостижимъ Сынъ, непостижимъ и Духъ Святый. Вѣченъ Отецъ, вѣченъ Сынъ, вѣченъ и Святый Духъ: однако не три вѣчны, но единъ вѣчный; также и не три несозданны, и не три непостижимы, но единъ несозданный, и единъ непостижимый.

Подобно сему: вседержитель Отецъ, вседержитель Сынъ, вседержитель и Духъ Святый: однако не трое вседержителей, но единъ вседержитель. Тако: Богъ Отецъ, Богъ Сынъ, Богъ и Духъ Святый: однако не трое Боговъ, но единъ Богъ. Равно: Господь Отецъ, Господь Сынъ, Господь и Духъ Святый: однако не трое Господей, но единъ Господь. Ибо, какъ особо каждую ипостась, Бога и Господа исповѣдать, христіанскою истиною понуждаемся: тако трехъ Боговъ, или трехъ Господей глаголати каѳолическимъ благочестіемъ возбраняемся.

Отецъ ни отъ кого не сотворенъ, ни созданъ, нижé рожденъ.

Сынъ отъ Отца Самого есть, не сотворенъ, ни созданъ, но рожденъ.

Духъ Святый отъ Отца не сотворенъ, ни созданъ, нижé рожденъ, но исходитъ.

Единъ есть Отецъ, [а] не три отца, единъ Сынъ, [а] не три сына, единъ Духъ Святый, [а] не три святыхъ духа. И въ сей Святой Троицѣ нѣтъ перваго или послѣдняго, нѣтъ бóльшаго или меньшаго: но цѣлыя три Ипостаси, соприсносущныя себѣ и равныя. Такъ по всему, какъ и сказано выше, Троица во Единицѣ, и Единица въ Троицѣ почитается. Желающій спастись, такъ да мудрствуетъ о Святѣй Троицѣ.

О Христѣ.

Но нужно есть для вѣчнаго спасенія да и о воплощеніи Господа нашего Іисуса Христа извѣстно вѣруетъ.

Есть же правая вѣра, да вѣруемъ и исповѣдуемъ, что Господь нашъ Іисусъ Христосъ, Сынъ Божій, Богъ и человѣкъ есть: Богъ отъ существа Отца прежде вѣкъ рожденный, и человѣкъ есть отъ существа матери, во времени рожденный. Совершенный Богъ и совершенный человѣкъ, отъ души словесной, и человѣческой плоти состоящій. Равный Отцу по Божеству, меньшій Отца по человѣчеству. Который хотя и Богъ есть, и человѣкъ, однако не два, но единъ есть Христосъ: единъ же не премѣненіемъ Божества во плоть, но воспріятіемъ человѣчества въ Божество, единъ всяко, не сліяніемъ естествъ, но единствомъ Ипостаси.

Какъ бо душа словесная и плоть единъ есть человѣкъ: тако и Богъ, и человѣкъ единъ есть Христосъ, пострадавшій спасенія нашего ради, и сошедшій во адъ, и въ третій день воскресшій изъ мертвыхъ, и возшедшій на небеса, и сѣдшій одесную Бога и Отца Вседержителя, откуда придетъ судить живымъ и мертвымъ, котораго пришествіемъ всѣ человѣки воскреснутъ съ тѣлесами своими и воздадутъ о своихъ дѣлахъ отвѣтъ: и содѣлавшіи благое пойдутъ въ жизнь вѣчную, [а] злое — въ огонь вѣчный.

Сія есть каѳолическая вѣра, которой если кто вѣрно и извѣстно вѣрить не будетъ, спастись не возможетъ. Аминь.

Печатается по изданію: Новый Маргаритъ или Святоотеческія наставленія о покаяніи, говѣніи исповѣди и христіанской жизни съ чиномъ Торжества Православія. — Калгари: Издательство «Кладезь», 1998. — С. 298-300.


Locate New Rite texts (can't find on web):

Анастасия блаженного, патриарха великия Антиохии, и (святого) Кирилла Александрийского: Изложение вкратце о вере, и вопросы и ответы о богословии

Святаго Максима изложение о вере, вкратце вопрошати, и отвещати всякому христианину православному.

These are definitely from the Old Rite:

Анастасия блаженнаго патриарха Великия Антиохии. и Кирила Александрийскаго, изложение вкратце о вере.

и вопросы и ответы о богословии.

Вопрос. Коея веры еси? Ответ. Христианин есмь.

Вопрос. Что есть христианин? Ответ. Иже в Бозе живет, и благочестивно, и благолюбезне пребывает.

Вопрос. О богословии колико естеств исповедуеши? Ответ. Едино естество исповедую.

Вопрос. Кое? Ответ. Божество.

Вопрос. Что есть Бог? Ответ. Бог есть существо неповинно, и вина всяческим, сиречь, всесилен всемогии, и всякия вины и естества преестественен.

Вопрос. Почему познавается Отец от Сына? Ответ. По составех, понеже есть Отец нерожден.

Вопрос. Почему познавается, Сын от Отца? Ответ. По составех, понеже есть Сын рожден.

Вопрос. Почему познавается Дух Святыи от Отца и Сына? Ответ. По составех, понеже есть исходящь.

Вопрос. Како веруеши? Ответ. Верую во единаго Бога Отца, и единаго рождьшагося от Него Бога Сына, и во един Дух Святыи от Отца исходяща Бога.

Вопрос. Что есть существо? Ответ. Существо есть вещь самобытна, не требуя иного к своему составлению.

Вопрос. О божестве колико составов исповедуеши? Ответ. Три составы исповедую, Отца и Сына и Святаго Духа.

Вопрос. Что есть состав? Ответ. Силу единосущну образует, естества Отчаго. лица же глаголем о Бозе безплотна, и невоображена.

Вопрос. Что есть особно всякому от трех состав, и что обще? Ответ. Особно убо есть, Отцу, нерождение. Сыну же, рождение. а Духу Святому, исхождение. обще же им божество и царство.

[О Христе]

Вопрос. О промышлении воплощения Христова, колико естеств исповедуеши? Ответ. Два естества исповедую, едино божества, и едино человечества.

Вопрос. Что есть воля божественая? Ответ. Воля божественная есть, еже очищати прокаженныя. якоже показати хотя Христос волю и действо божественое, рече прокаженному, хощу, очистися.

Вопрос. Что есть действо Божие? Ответ. Действо Божие есть, еже спастися всем человеком, и на уведение истины приити.

Вопрос. Что есть воля человечя? Ответ. Воля человечя есть, еже просити да испиет, якоже на кресте.

Вопрос. Что есть действо человеческое? Ответ. Действо человеческое есть, иже путь шествовати, утрудитися. и прочая таковая.

Вопрос. Колико составов о воплощении исповедуеши? Ответ. Един состав исповедую, яко той един Сын Божии, и Сын Девыя.

Вопрос. Почему причастник есть Сын Отцу и Святому Духу? Ответ. Причастник им есть по естеству божественному, понеже есть совершен Бог.

Вопрос. Почему причастник есть человеком? Ответ. По естеству вочеловечения своего, понеже и человек совершен есть.

Вопрос. Чесо ради Сын воплотися, а не Отец, или Дух? Ответ. Яко да сохранит свойство ипостаси своея, яко быти тому на небесех Сыну и на земли Сыну, аминь.

Святаго Максима изложение о вере вкратце вопрошати и отвещавати всякому християнину православному.

Вопрос. Колико естеств исповедуеши о Святей и единосущней и неразделимей Троице? Ответ. Едино естество исповедую.

Вопрос. Колика существа? Ответ. Едино существо.

Вопрос. Колико образов? Ответ. Един образ.

Вопрос. Колико воль, рекше хотении? Ответ. Едину волю.

Вопрос. Колико составов, рекше лиц. Ответ. Три составы исповедую, Отца и Сына и Святаго Духа.

Вопрос. Кто от Святыя Троицы воплотися? Ответ. Сын Слово.

Вопрос. Колико естеств исповедуеши о Сыне Божии вочеловечьшемся нас ради? Ответ. Два естества исповедую, божество и человечество.

Вопрос. Колико существ? Ответ. Два существа исповедую. едино, единосущно Отцу по божеству. и второе, единосущьно матери по человечеству.

Вопрос. Колико воль, рекше хотении? Ответ. Две воли исповедую, божества, и человечества.

Вопрос. Колико действ? Ответ. Два действа исповедую.

Вопрос. Колико составов? Ответ. Един состав, Бога Слова.

Вопрос. Колико рожеств? Ответ. Два рожества исповедую, первое превечное, безлетное, безплотное. восия бо от Отца, яко от солнца свет. второе напоследок от святыя Девы Богородицы Марии родися Бог Великии, превечныи, собезначалныи, невидимыи, непостижимыи, неописанныи по Божеству, не обыменныи, съведыи сердца всем человеком. Святая Богородица роди един состав, во двою познаваемь естеству. по божеству бо от Отца рожество безлетно, напоследок же в лето от нея воплощься, плотию раждаемь. Аще же и вопрошающии назнаменуют нам, рождеися от святыя Богородицы, во двою ли естеству сыи? Речем им, ей, во дву естеству есть, Бог бо есть, Той же и человек. Такоже и о распятии, и о воскресении, и о вознесении, естества сияют, а не составы. Пострада убо Христос во двою естеству сыи, странным естеством распятъся. плотию бо на кресте вися, а не божеством. Аще же паки рекут нам вопрошающии, два ли естества умроста? Речем им, ни, не буди то. ибо ни два естества распята быста, но родися Христос, иже есть Бог Слово вочеловечися и родися. плотию распятся, плотию пострада, плотию умре. без страсти убо пребывшу Божеству Его.

Вопрос. Колико естеств вися на кресте? Ответ. Iсус во двою естеству сыи, странным естеством висяше на кресте, плотию а не божеством. се изложение сведыи, истинныи израильтянин есть, в нем же льсти несть. Аще же паки хощеши познати, что есть Бог? и како поклонятися Ему? слыши и внимай, и разумей, и увеси истинно, Отца и Сына и Святаго Духа: един свят, едино хотение, и едина воля, и едина премудрость, и едина сила. не убо ов прежде век, ов же по вецех, но купно Отец и Сын и Святыи Дух. Сын во Отце, Дух в Сыне. совокуплено бысть естество, и едино божество. Разделяетжеся по составех на трое, во единстве же паки есть, по существенному Слову. сего ради и Отца глаголюще, и Сына славяще, и Духа исповедующе, Бога именуем, Имже Божие естество обще есть, Отцу и Сыну и Святому Духу. а еже рещи, Отец и Сын и Святыи Дух, не суть общая имена, но особно коемуждо составу. Отец бо не нарицается Сын. и Сын не нарицается Отец, и Дух Святыи ни Отец ни Сын нарицается. Глаголю же три составы, сиречь три лица, един образ. Не глаголем в трех лицех, три существа, или три естества, или три боги, якоже треклятаго Ария ученицы: но единаго Бога. едино существо, и едино естество, в трех составех исповедуем. Не глаголем един состав, якоже проклятии савелиане, но три составы, и три лица во едином образе, и во едином божестве. исповедуем и молим и почитаем.


Locate text (can't find on web):

Краткое изъявление, о еже како всякому православному христианину, по древнему преданию святых апостол и святых отец, на изображение знaмения креста святаго, на лицe своем, подобает руки своея пeрсты, и кия слагати, егоже образ зде печатным тиснением изобразихом: и како на себе оный изображати.

"...И полагаем я: первое на челе (на лбу) нашем, его же касается вышний рог креста, второе на чреве (на животе) нашем, его же достизает нижний рог креста, третие на правом раме (плече) нашем, четвертое же на левом, ими же знаменуются поперечне простертии концы креста, на нем же распятый за нас Господь наш Иисус Христос руце прострый, вся языки расточенные в концах во едино собра"


Василия Великаго:

Никия же бо иныя книги тако Бога славят, якоже Псалтирь, душеполезна есть: ово Бога славит со Ангелы вкупе, и превозносит, и воспевает велиим гласом, и Ангелы подражает: овогда бесы кленет и прогоняет, и велик плач и язвы творит: за цари и князи и за весь мир Бога молит. Псалтирию и о себе самом Бога умолиши: больше бо и выше есть всех книг. Сия убо нарицаемая Псалтирь подобна есть великому морю: от моря бо не оскудевает вода никогдаже, ни умаляется излиянием рек и источник: тако и от Псалтири не оскудевает пение никогдаже. Псалтирь бо наречеся доблесть и дерзость к Богу о спасении души: велика бо мзда в посте и в поклонех и прочитании псалтирнем. Аще ли, брате, речеши, яко немощен есмь, и не могу правила сего совершити, зане плоть есмь: воззри на воздух, и виждь, како Солнце и Луна и звезды, день и ночь не почивают ходяще путем своим, заповеди Господни творят. И яко оно огненное сотворение ни яст, ни пиет, ни муки чает будущия, а Бога боится, и повеления Его не престая творит. Ты же, брате, аще и плоть еси, но тело твое покровено имаши: елика ти до избытка яси и пиеши, и спиши довольно. Суть бо инии в полунощи востающе и покланяющеся, и молящеся Богу, и рукоделию прилежат, а Творца своего благодарят о всем. И паки глаголет: коль слабо естество водное и немощно есть, а Бога боится, день и нощь не престает напаяющи и текущи, не токмо человеки, но и черность их омывает, скоты, и птицы, и звери, и гады вся напаяет, и на Землю изливает. И ты, брате, како себе не разсмотряеши, ни себе внимаеши; вся возможна от Бога, а от человек ничтоже: токмо мужайся, и крепися, и Бог поможет ти. Глаголет бо Давид: потерпи Господа, и сохрани пути Его, и вознесет тя, еже наследити Землю, а не мози ни единаго дне оставити без пения псалтирнаго. Аще некоею нуждею оставиши, оттоле заложив, во утрие паки начни, а не престани лености ради. Глаголет бо верховный апостол Петр: един день жития нашего, яко тысяща лет, а тысяща лет, яко день един, и ничтоже в них пользует. Вся бо, братие, временна света сего, яко коло вратится. Днесь солнце, а заутра мрак, и дождь и снег: днесь пирове и браки, а заутра плач и сетование. Но аще сам подвигнешися о спасении души твоея, исправиши реченная, и научишися заповедем Божиим, и открыет очи твои, да разумееши чудеса от закона Господня. Вопрошен бысть великий Иоанн Златоустый от братий: добро ли есть оставити Псалтирь; он же рече: уне есть Солнцу престати от течения своего, нежели оставити Псалтирь: вельми бо есть полезно, еже поучатися псалмом, и прочитати прилежно Псалтирь. Вся бо нам книги на пользу суть, и печаль творят бесовом, но не якоже Псалтирь, да не нерадим.


Глаголания Августина Учителя, в пролозе Псалтири, и иных, о силах псалмов.

Пение псалмов душы украшает: ангелы на помощь призывает: демоны прогоняет: отженет тьмы: содевает святыню: человеку грешному укрепление ума есть: заглаживает грехи: подобно есть милостыням святым. Прибавляет веру, надежду, любовь: яко Солнце просвещает: яко вода очищает: яко огнь опаляет: яко елей умащает: диавола постыдевает: Бога показует: похоти телесныя угашает: и елей милосердия есть, жребий веселия, часть Ангелов избранна: свирепство изгоняет: и всякую ярость утишает: и гнев сокрушает: хвала Божия непрестанная есть: подобно есть меду пение псалмов. (Зри) Песнь избранна есть пред Богом: всяк грех отгоняет: союз любве содружает: вся преходит, вся исполняет, вся научает, вся показует: душу величит, уста очищает, сердце веселит, столп высок созидает, человека просвещает, чувство отверзает, всякое зло убивает, совершение показует. Кто имать память и любовь Его, имать такожде боязнь и хвалу Божию в сердце своем, не отпадет же откуду никакоже, ниже погибнет моление его, но в последняя пред Богом возрадуется. Тишина ума есть и возвестник мира. Яко псалмы молят о грядущих: воздыхают о настоящих: каются о минувших: радуются о благих делех: радость Небеснаго Царствия воспоминают: чредою бо псалмопения многажды щит взыскуется правды, противу диавольских сил, светлость истины показует: старцем утеха есть, юношам украшение, и ума старчество и совершение есть, самому Христу Богу помогающу и дарующу, иже сия псалмы усты пророчески устави, и потщательне всегда молитися научи. Ему же есть хвала и честь и величество, благословение и светлость, премудрость и благодарение, сила и крепость, вкупе с Богом Отцем и Святым Духом, и ныне и присно, и во веки веков, аминь.


На псалом пятый Феодоритово толкование

Сіе и нынѣ пророческое слово насъ наказуетъ учащее, како подобаетъ всѣхъ Бога и Царя просити и молити, и учитъ глаголющее: Глаголы моя внуши, Господи, разумѣй званіе мое, вонми гласу моленія моего (Псаломъ 5:1-2а). Сіе же внуши, сирѣчь, внутрь ушесемъ твоимъ да будутъ моленія моего глаголы, и милостивно услыши мое прошеніе, и вняти прилѣжнѣ моленія моего словесемъ изволи, зане тебе токмо вѣмъ Бога и Царя.