Покаянные тропари и молитвы по каждой кафизме

1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 |


1 КАФИСМА: Пс. 1-3 Слава: 4-6 Слава: 7-8
Тропари, глас 1: В беззакониях зачався аз, блудныи, не дерзаю взирати на высоту небесную, но, дерзая на человeколюбие твое, зову: Боже, очисти мя, грeшнаго, и спаси мя. Аще праведник едва спасается, аз где явлюся, грeшныи? Тяготы и зноя дневнаго не понесох, но с наeмники единонадесятаго часа сопричти мя, Боже, и спаси мя.
Слава: Объятия Отча отвeрсти ми потщися, блудно мое иждих житие, на богатство неиждиваемое взираяи щедрот твоих, Спасе, нынe обнищавшее мое да не прeзриши сердце. тебe бо, Господи, умилением зову: согрeших на небо и пред тобою.
И нынe: Упование христиан, Пресвятая дево, егоже родила еси Бога паче ума же и слова, непрестанно моли с горними силами дати оставление грeхов, нам всем и исправление жития, верою любовию присно тя чтущим.
Молитва: Владыко Вседержитeлю, Непостижиме, начало света и преумная сило, иже Ипостаснаго слова Отец и Единосилынаго твоего Духа испуститeль: милосердныя ради милости и неизречeнныя благости не презрeвыи человeческаго естества, тмою грeха содержимаго, но Божественными свeты священных твоих учении, законом и пророки свети выи миру, последи же нам того Единороднаго твоего Сына благоволивыи плотию возсияти и ко осиянию нас твоего просвещения наставите: да будут уши твои внeмлюще гласу моления нашего, и даруи нам, Боже, во бдeнном и трезвенном сердце, всю настоящаго жития нощь преити, ожидающым пришествия Сына твоего и Бога нашего, судии всех, да не возлежаще и спяще, но бодрствующе и воздвижени в делание заповедеи твоих обрящемся и в радость его совнидем, идеже празднующих глас непрестанныи, и неизречeнная сладость зрящих твоего лица доброту неизглаголанную. Яко благ и человeколюбец Бог еси, и тебe славу возсылаем, Отцу и Сыну и Святому Духу, нынe и присно, и во вeки вeков, аминь.


2 КАФИСМА: Пс. 9-10 Слава: 11-13 Слава: 14-16
Тропари, глас 2: Аз сын древо неплодное, Господи, умиления плода не ношу отнюдь и посечeния страшуся, и огня онаго боюся негасимаго. Темже тя молю: прежде бныя нужды обрати и спаси мя. Яко волны морския, на мя восташа беззакония моя, яко кораблeц в пучине, аз един обуреваюся от прегрeшении многих, но в тихое пристанище наставя мя, Господи, покаянием и спаси мя.
Слава: Помилуи мя, речe давид, и аз тебe зову: согрeших, Спасе, грeхи моя очистив покаянием, помилуи мя.
И нынe: Предстатeльство тeплое христиан. Сына твоего моли, Богородице, всякаго злодеиства и лютости избавити нас ратника, и дати прощение нам, о нихже согрeшихом, милосердия ради щедрот, твоими молитвами, Мати Дeво.
Молитва: Владыко Вседержитeлю, Отче Господа нашего Иисуса Христа, Единороднаго твоего Сына, даждь ми тeло несквeрное, сердце чистое, ум бодр, разум незаблудныи, Духа Святаго нашествие, к стяжанию и довольству истины во Христе твоем: с нимже тебe слава подобает, честь и поклонeние, со Святым Духом нынe и присно и во вeки вeков, аминь.


3 КАФИСМА: Пс. 17 Слава: 18-20 Слава: 21-23
Тропари, глас 3: Живущи на земли, душе моя, покайся: перстьво гробe не поет, прегрeшений не избавляет. Возпии Христу Богу: сердцевeдче, согрeших, прежде даже не осудиши мя, помилуи мя. Доколе, душе моя, пребываеши в прегрeшениих? Доколе приемлеши покаяния преложение? Приими во умe суд грядущии и возопии Господу: сердцевeдче, согрeших, прежде даже не осудиши мя, помилуи мя.
Слава: На страшном судищи без оглагольников обличаюся, без свидетeлеи осуждаюся, книги бо совестныя разгибаются, и дела сокровенная открываются. Прежде нeже во оном всенародном позбрищи имаши испытати, яже мною содеянная, Боже, очисти мя и спаси мя.
И нынe: Недоразумеваемое и непостижимое есть, владычице Богоблагодатная, содеянное о тебe страшное таинство: необъeмлемаго бо, зачeнши, родила еси плотию обложенного от чистых кровеи твоих: егоже, чистая, яко Сына твоего, моли спасти вся поющыя тя.
Молитва: Господи Вседержитeлю, Слове Пребезначальнаго Отца, самосовершeнныи Боже Иисусе Христе, милосердия ради безприкладнаго милости твоея, никакоже разлучаяися твоих рабов, но присно в них почивали, не остави мя, раба твоего, Всесвятыи Царю, но даждь мне, недостоиному, радование спасения твоего и просвети мои ум светом познания Евангелиа твоего, душу мою любовию Креста твоего обяжи, тeло же мое твоим безстрастием украси, мысли умири и нозе мои сохрани от поползновения, и не погуби мя со беззаконьми моими, благи и Господи, но искуси мя, Боже, и вразуми сердце мое, испытаи мя и увeждь стези моя, и виждь, аще путь беззакония во мне, и отврати от него, и настави мя на путь вечен. Ты бо еси путь, и истина, и живот, и тебe славу возсылаем со безначальным твоим Отцeм и пресвятым, и благим, и животворящим Духом нынe и присно и во вeки вeков, аминь.


4 КАФИСМА: Пс. 24-26 Слава: 27-29 Слава: 30-31
Тропари, глас 7: Смирeнную мою душу посети, Господи, во грeсeх все житие иждившую: имже образом блудницу, приими и мене, и спаси мя. Преплавая пучину настоящего жития, помышляю бездну многих моих зол, и не имeяи окормитeля помышлении, петров провещаваго ти глас: спаси мя, Христе, спаси мя, Боже, яко человeколюбец.
Слава: Скоро совнидем в невeстник Христов, да вси услышим блаженныи глас Христа Бога нашего: приидите, любящии небесную славу, сопричастницы бывше мудрых дев, уяснивше свещы нашя верою.
И нынe: Душе, покаися прежде исхода твоего, суд неумытен грeшным есть и нестерпимыи. Возопии Господу во умилении сердца: согрeших ти в ведении и не в ведении, Щедрыи, молитвами Богородицы ущeдри и спаси мя.
Молитва: Тебе, Господи, единому благому и непамятозлббному, исповедаю грeхи моя, тебe припадаю вопия, недостоиныи: согрeших, Господи, согрeших и несмь достоин воззрeти на высоту небесную от множества неправд моих. Но, Господи мои, Господи, даруи ми слезы умиления, Единыи блаже и Милостивыи, яко да ими тя умолю, очиститися прежде конца от всякого грeха: страшно бо и грозно место имам проити, тeла разлучи вся, и множество мя мрачное и безчеловeчное демонов срящет, и никтбже в помощь спутствуяи или избавляли. Тем припадаю твоеи благости, не предаждь и обидящым мя, ниже да похвалятся о мне врази мои, благии Господи, ниже да рекут: в руки нашя пришeл еси, и нам предан еси. Ни, Господи, не забуди щедрот твоих и'не воздаждь ми по беззаконием моим, и не отврати лица твоего от мене; но Ты, Господи, накажи мя обаче милостию и щедротами. Враг же мои да не возрадуется о мне, но угаси его на мя прещeния и все упраздни его деиство, и даждь ми к тебe путь неукбрныи, благии Господи; занeже и согрeшив, не прибсгох ко иному врачу, и не прострбх руки моеи к богу чуждeму, не отрини убо моления моего, но услыши мя твоею благостию и утверди мое сердце страхом твоим, и да будет благодать твоя на мне, Господи, яко огнь попаляяи нечистыи во мне помыслы. Ты бо еси, Господи, свет, паче всякого света; радость, паче всякия радости; упокоение, паче всякаго упокоения; жизнь истинная и спасение, пребывающее во вeки вeков, аминь.


5 КАФИСМА: Пс. 32-33 Слава: 34-35 Слава: 36
Тропари, глас 5: Страшныи твои престол , лукавое мое житие: и кто мя избавит тогдашнии нужды, аще не Ты помилуеши мя, Христе Боже, яко Щедр и человeколюбец?
Слава: Попечение жития изгна мя рая, и что сотворю, отчаянныи? Сего ради толку во врата и зову: Господи, Господи, отвeрзи ми покаянием и спаси мя.
И нынe: Кии наречeм храм твои, Богородице? Пристанище ли духовное? Или раи сладости небесныи, ходатаиствен жизни некончаемыя? Вся бо имаши добрая, всегда молися Христу спастися душам нашым.
Молитва: Боже Праведныи и Хвальныи, Боже Великии и Крепкии, Боже Превeчныи, услыши грeшнаго мужа молитву в час сеи: услыши мя, обещавыи услышати во истине тя призывающих, и не омерзи мя, нечистыя устнe имуща и во грeсeх содержима, упование всех концeв земли и странствующих далече. Приими оружие и щит и востани в помощь мою: излеи мечь и заключи сопротив гонящих мя. Запрети нечистым духовом от лица безумия моего, и да отлучится от моея мысли дух ненависти и злопомнeния, дух зависти и лести, дух боязни и уныния, дух гордости и всякия иныя злобы; и да угаснет всякое разжжeние и движение плоти моея, от диавольскаго деиства составляемое, и да просветится моя душа и тeло, и дух светом твоего Божественнаго познания: да множеством щедрот твоих достигну соединения веры, в мужа совершенна, в меру возраста, и прославлю со ангелы и всеми святыми твоими всечестное и великолепое имя твое, Отца и Сына и Святаго Духа, нынe и присно и во вeки вeков, аминь.


6 КАФИСМА: Пс. 37-39 Слава: 40-42 Слава: 43-45
Тропари, глас 3: Хвалу приношу ти, Господи, прегрeшения моя вся возвещаю ти, Боже, обратив помилуи мя.
Слава: Спаси мя, Боже мои, якоже иногда мытаря спасл еси, и блудницы слез не презрeвыи, и мое воздыхание приими, Спасе мои, и спаси мя.
И нынe: Рабски нынe притекаю к покрову твоему, пренепорочная; избави мя, Богородитeльнице, слияния страстеи, яко безстрастия виновнаго рождшая.
Молитва: Благодарим тя, Господи Боже наш, о всех благодеяниих твоих, яже от пeрваго возраста до настоящего в нас, недостоиных, бывших, о ихже вeмы и не вемы, о явленных и неявленных, яже делом бывших, и словом: возлюбивыи нас, якоже и Единороднаго твоего Сына о расдати изволивыи. Сподоби и нас достоины быти твоея любвe. Даждь словом твоим мудрость и страхом твоим вдохни крепость от твоея силы, и аще что хотяще или не хотяще согрeшихом, прости, и не вмени и сохрани душу нашу святу, и представи ю твоему престолу, совесть имущу чисту, и конец достоин человeколюбия твоего. И помяни, Господи, всех призывающих имя твоe во истине: помяни всех, блага или сопротивная нам хотящих: вси бо человeцы есмы, и всуе всяк человeк. Тeмже молимся тебe, Господи: подаждь нам твоего благоутробия велию милость.


7 КАФИСМА: Пс. 46-48 Слава: 49-50 Слава: 51-54 :
Тропари, глас 5: Судии седящему, и Ангелом стоящим, трубе гласящеи, пламени горящу, что сотвори ши, душе моя, ведома на суд? Тогда бо лютая твоя предстанут, и таиная обличатся согрeшения. Тeмже прежде конца возопи и судии: Боже, очисти мя и спаси мя.
Слава: Вси побдим, и Христа усрящим со множеством елeа и свещами светльми, яко да чертога внутрь сподобимся, иже бо вне двереи прстигнувыи, бездельно Богови воззовeт: помилуи мя.
И нынe: На одре лежя согрeшении многих, окрадаемь есмь в надeжди спасения моего, ибо сон моея лености ходатаиствует души моеи муку. Но Ты, Боже, рождeися от девы, воздвигни мя к твоему пению, да славлю тя.
Молитва: Господи, Боже мои, яко благ и человeколюбец, многия милости сотворил еси со мною, яже не чаях видети, и что воздам твоеи благости, Господи мои, Господи? благодарю твое многопeтое имя, благодарю твое неисповедимое на мне благоутробие, благодарю безприкладное твое долготерпение. И отнынe заступи, и помози мне, и покрыи мя, владыко, от всех, еже не ктому согрeшати пред тобою: Ты бо веси естества моего удобопоползновeиное, Ты веси безумие мое, Ты веси мною содеянная, яже в ведении и не в ведении, яже вольная и невольная, яже в нощи и во дни, и во уме, и мысли, яко благ убо и человeколюбец Бог, очисти я росою милости твоея, Преблагии Господи, и спаси нас имене ради твоего святаго, имиже веси судьбами. Ты бо еси Свет и Истина, и Живот, и тебe славу возсылаeм. Отцу и Сыну и Святому Духу, нынe и присно и во вeки вeков, аминь.


8 КАФИСМА: Пс. 55-57 Слава: 58-60 Слава: 61-63
Тропари, глас 5: Во глубины мя грeха поползшася, треволнение обуревает отчаяния, но предвари, Христе, яко Всесилен, Управитeлю всех, и ко пристанищу тихому устреми безстрастия, за благоутробие, Спасе, и спаси мя.
Слава: Душе, яже зде приврeменна, тамо же вечна, зрю судилище, и на престол е судию, и трепещу изречения; прочее, душе, обратися, суд непрощаемь.
И нынe: Надежде ненадeемых, помоще безпомощных, заступление на тя уповающих, святая владычице Богородице, помощь твою низпосли нам.
Молитва: Господи щедрыи и милостивыи, долготерпеливе и многомилостиве, внуши молитву и вонми гласу моления моего: сотвори со мною знамение во благо, настави мя на путь твои, eжеходити во истине твоеи, возвесели сердце моe, во еже боятися имене твоего святаго, занeже вeлии еси, и творяи чудеса. Ты еси Бог Един, и несть подобен тебe в бозeх, Господи, сильныи в милости, и благии в крепости, во еже помогати и утешати, и спасати вся уповающыя на имя твое, Отца и Сына и Святаго Духа, нынe и присно, и во вeки вeков, аминь.


9 КАФИСМА: Пс. 64-66 Слава: 67 Слава: 68-69
Тропари, глас 6: Помышляю день страшныи и плачу деянии моих лукавых, како отвещаю Безсмeртному Царю? Или коим дерзновением воззрю на судию, блудныи аз? благоутробныи Отче, Сыне Единородныи, Душе Святыи, помилуи мя.
Слава: Во юдоли плачeвне, на месте, еже завещал еси, егда сядеши, Милостиве. сотворити праведныи суд, не обличи моя сокровенная, ниже посрами мене пред Ангелы, но пощади мя, Боже, и помилуи мя.
И нынe: Упование и покров державныи к тебe притекающих, Богородитeльнице, благое предстатeльство мира, моли со безплотными прилежно, егоже родила еси человeколюбнеишаго Бога, избавитися душам нашым от всякаго прошения. едина благословенная.
Молитва: Владыко Господи, Боже наш, иже един окаянныя моея души недуг и сея исцеление вeдыи, исцели ю, якоже веси, ради множества милости твоея и щедрот твоих, понеже от дел моих несть пластыря и приложити еи, ниже елeа, ни обязания, но ты, пришeдыи не праведньм призвати, но грeшныя в покаяние, помилуи, ущeдри, прости ю, раздери рукописание многих моих и студных деянии и настави мя на правыи путь твои, да, ходяи во истине твоеи, возмогу избежати стрел лукаваго сице предстану неосуждeнно пред страшным престолом твоим, славя и воспевая пресвятое твое имя во вeки, аминь.


10 КАФИСМА: Пс. 70-71 Слава: 72-73 Слава: 74-76
Тропари, глас 6: Страшного дне пришествия твоего ужасаюся, Христе, и, неумытнаго судилища ббяися. Господи, ужасаюся и трепещу, яко имыи множество согрeшении, но прежде конца яко Милостив Бог, обрати и спася мя. Спасе мои Многомилостиве.
Слава: Егда престоли на суд поставятся, Господи, и судилищу твоему предстанут человeцы: не предпочтeтся царь воина, не преимуществит владыка раба: кииждо бо от своих дел или прославится, или постыдится.
И нынe: Великих даровании. Чистая дево Богомати, Ты сподобилася еси, яко родила еси плотию Единаго от Троицы, Христа Жизнодавца, во спасение душ наших.
Молитва: Господи Боже наш, в милости Богатыи и в щедротах Непостижимыи, Едине по естеству Безгрeшен, и нас ради кроме грeха быв человeк, услыши в час сеи болезненное мое сие моление, яко нищ и убог семь от дел благих, и сердце мое смятeся внутрь мене. Ты бо веси, Вышнии Царю, Господи небесe и земли, яко всю мою юность во грeсeх иждих и в след похотeи плоти моея ходив, весь смех демонов бых, весь диаволу послeдовах, выну в тимeнии сластеи валяяися, омрачи вся бо помышлением от младeнства, даже и до нынe, никогдаже восхотeх сотворити волю твою святую, но весь от навeтующих мя страстеи пленився, смех и поругание демонов бых, никакоже во уме помышляли, яко нестерпимыи гнeв еже на грeшники прощения твоего, и лежащую геенну огненную. Якоже отсюда во отчаяние впадыи, и никакоже в чувстве обращения быв, пуст и наг еже от твоея дружбы бых. Кии бо вид грeха не соделах? Кое дело демонское не содeях? Кое деяние студное и блудное не с преимуществом и тщанием соверших? Ум воспоминаньми плотскими оскверних, тeло смешeньми окалях, дух сосложeниeм оскверних, всяк уд окаянныя моея плоти служити и работати грeхом возлюбих. И кто прбчее не возрыдает мя, окаяннаго? Кто не восплачет мя, осуждeннаго? Аз бо един, владыко, ярость твою прогнeвах, аз един гнeв твои на мя разжегох, аз един лукавое пред тобою сотворих, превозшeд и препобедив вся от вeка грeшники, несравненно погрeшивыи и непрощeнно. Но понеже Многомилостивыи, благоутробныи еси, человeколюбие, и ожидаеши человeческаго обращения, се и аз ввергаю себе пред страшное и нестерпимое твое судище, и якоже пречистым твоим ногам касаяися, из глубины души взываю ти: очисти, Господи, прости, благопременитeлю, помилуи немощь мою, приклонися недоумению моему, вонми молению моему и слез моих не премолчи, приими мя, кающагося, и заблуждшаго обрати, обращающагося объими и молящатося прости. Не бо положил еси покаяние праведным, не положил еси прощения не согрeшающим, но положил еси покаяние мне, грeшному, в нихже в негодование твое содeях, наг и обнажeн пред тобою предстою, Сердцевeдче Господи, исповeдаяи моя грeхи: не бо могу воззрeти и видети высоту небесную, от тяжести грeхов моих сляцаемь. Просвети убо очи сердца моего и даждь мк умиление к покаянию, и сокрушение сердца ко исправлению, да со благою надeждею и истинным уверением, к тамошнему миру поиду, хваля и благословя выну всесвятое имя твое, Отца и Сына и Святаго Духа, нынe и присно, и во вeки вeков, аминь.


11 КАФИСМА: Пс. 77 Слава: 78-80 Слава: 81-84
Тропари, глас 7: Имущи, душе моя, врачевство покаяния, приступи слезящи, воздыханием вопиющи: Врачу душ и тeлес, свободи мя, человeколюбче, от многих согрeшении, сопричти мя блуднице, и разбоинику, и мытарю, и даруи ми. Боже, беззаконии моих прощение, и спаси мя.
Слава: Мытареву покаянию не поревновах, и бдудницы слез не стяжах: недоумeюся бо от ослепления о таковом исправлении, но твоим благоутробием спаси мя, Христе Боже, яко человeколюбец.
И нынe: Богородице Дeво Несквeрная, Сына твоего моли с горними силами, прощение прегрeшении нам прежде конца даровати в вeлию милость.
Молитва: Возсияй в сердцах наших, человеколюбче Господи, твоего Боговeдения нетленный свет, и мысленныя наши отверзи очи во Евангельских Твоих проповеданий разумение: вложи в нас и блаженных Твоих заповедей страх, да плотския похоти вся поправше, духовное жительство пройдем, вся, яже ко благоугождению Твоему и мудрствующе и дeюще. Ты бо еси просвещение душ и тeлес наших, Христе Боже, и Тебе славу возсылаем, со Безначальным Твоим Отцем, и Всесвятым и Благим и Животворящим Твоим Духом, нынe и присно и во вeки вeков. Аминь.


12 КАФИСМА: Пс. 85-87 Слава: 88 Слава: 89-90
Тропари, глас 7: Блудницы слезы и петровы приeмыи. Господи, и мытаря оправдавыи из глубины воздохну вша, и мене во умилении припадающа ущeдри, Спасе, и помилуи мя.
Слава: Приими яко мытаря, Господи, яко блудницу очисти мя, владыко, яко хананeю помилуи, по велицеи твоеи милости.
И нынe: Мати света благословенная Богородице, молися Христу Богу совозсияти утро, и вeлию милость душам нашым.
Молитва: Господи Боже мои. Един благии и человeколюбивыи, Един милостивыи и кроткии, Един истинныи и праведныи, Един щедрыи и милостивыи Боже наш: да приидет сила твоя на мя, грeшнаго и непотрeбнаго раба твоего, и да укрепит мои храм Евангелием Божественнаго учения твоего, владыко и человeколюбие, любоблаже, любоблагоутробие, просвети моя утробы и вся уды твоею волею. Очисти мя от всякие злобы и грeха: соблюди мя несквeрна и непорочна от всякаго наития и деиства диавола, и даруи ми по твоеи благости твоя разумeти, твоя мудрствовати, и в твоих хотeниих жити, твоего страха страшитися, еже творити тебe благоугодная до послeдняго моего издыхания, яко да по неисповедимои твоеи милости соблюдeши мое тeло и душу, ум же я мысли, не искушeн всякия сопротиволежащия сети храм. Господи мои, Господи, покрыи мя твоим благоутробием, и не остави мя, грeшнаго, и нечистаго, и недостоинаго раба твоего: яко Ты еси Защититeль мои, Господи, и о тебe пение мое выну, и тебe славу возсылаем. Отцу и Сыну и Святому Духу, нынe и ирисно, и во вeки вeков, аминь.


13 КАФИСМА: Пс. 91-93 Слава: 94-96 Слава: 97-100
Тропари, глас 8: Оком благоутробным, Господи, виждь мое смирение, яко помале жизнь моя иждивается, и от дел весть мне спасения. Сего ради молюся: оком благоутробным. Господи, виждь мое смирение и спаси мя.
Слава: Яко судии предстоящу, попецыся, душе, и страшнаго дне час помышляи, суд бо немилостив есть не сотвбршым милости. Возопии убо Христу Богу: сердцевeдче, согрeших, прежде даже не осудиши, помилуи мя.
И нынe: Страшнаго твоего и грознаго, и неумытнаго суда, Христе, во уме приeм день и час, трепещу, яко злодеи, студа дела и деяния имeяи лютая, яже един аз содеях прилежно. Темже страхом припадаю тебe, вопия болезненно; молитвами рождшия тя, Многомилостиве, спаси мя.
Молитва: Господи Святыи, Иже в вышних живыи, и всевидящим твоим оком призираяи на всю тварь. тебe приклонихом выю души и тeлесe, и тебe молимся, Святыи святых: простри руку твою невидимую от святаго жилища твоего, и благослови вся ны: и аще что к тебe согрeшихом волею и неволею, яко благ и человeколюбец Бог прости, даруяи нам и мирная благая твоя. твое бо есть, еже миловати и спасати, Боже наш, и тебe славу возсылаем, Отцу и Сыну и Святому Духу, нынe и присно и во вeки вeков, аминь.


14 КАФИСМА: Пс. 101-102 Слава: 104 Слава: 104
Тропари, глас 8: Яко блудница припадаю ти, да прииму оставление, и вместо мира слезы от сердца приношу ти, Христе Боже: да яко оную ущeдриши мя, Спасе, и подаси очищение грeхов. Яко оная бо зову ти: избави мя от тимeния дел моих.
Слава: Почто не помышлявши, душе моя, смерти? Почто не обращаешися прочее ко исправлению, прежде трубы глашeния на суде? Тогда несть время покаяния. При ими во уме мытаря и блудницу зовущыя: согрещих Ти, Господи, помилуи мя.
И нынe: Яко превосходящая воистину рождеством твоим силы небeсныя, Приснодeво Богородице, иже тобою Божеством обогатившеся, непрестанно тя величаем.
Молитва: Благодарим тя, Господи Боже спасении наших, яко вся твориши во благодеяния жизни нашел, яко упокоил еси нас в прешедшем нощном времени, и воздвигл еси нас от ложеи наших, и поставил еси нас в поклонение честнаго и славнаго имене твоего. Тeмже молимся тебe, Господи: даждь нам благодать и силу, да сподобимся тебe пeти разумно, и молитися непрестанно: и выну к тебe зрeти. Спаситeлю и благодетeлю наших душ, страхом и трепетом свое спасение деиствующе. Услыши убо и помилуи, благоутробне, нас: сокруши под ноги нашя невидимыя ратники и враги: приими яже по силе нашеи благодарения: даждь нам благодать и силу во отверзeние уст наших, и научи нас оправданием твоим. Яко что помолимся, якоже подобает, не вeмы, аще не Ты, Господи, Духом твоим Святым наставиши ны. Аще же что согрeшихом даже до настоящаго часа, словом, или делом, или помышлением, волею, или неволею, ослаби, остави, прости. Аще бо беззакония назриши. Господи, Господи, кто постоит? Яко у тебe очищение есть, у тебe избавление. Ты еси Един Свят, Помощник Крепкии, и Защититeль жизни нашея, и тя благословим во вся вeки,
аминь.


15 КАФИСМА: Пс. 105 Слава: 106 Слава: 107-108
Тропари, глас 1: Яко пучина многа прегрeшении моих. Спасе, и люте погрузихся согрeшeньми моими: даждь ми руку, яко петрови, и спаси мя. Боже, и помилуи мя.
Слава: Яко помышлении лукавыми и делы осудихся, Спасе, мысль ми даруи обращения. Боже, да зову: спаси мя, благодетeлю благии, и помилуи мя.
И нынe: Богоблажeнная Отроковице и Пренепорочная, скверна мя суща и окалянна от деянии безмeстных, и скверных помышлении, очисти мя, окаяннаго, нескверная и чистая, всесвятая Мати дево.
Молитва: Владыко Господи Иисусе Христе, Ты eси Помощник мои, в руках твоих есмь аз, помози ми, не остави мене согрeшити к тебe, яко заблуждeн есмь, не остави мя послeдовати воли плоти моея, не презри мя. Господи, яко немощен есмь. Ты веси полезное мне, не остави мя погибнути грeхи моими, не остави мя. Господи, не отступи от мене, яко к тебe прибегох, научи мя творити волю твою, яко Ты еси Бог мои. Исцели душу мою, яко согрeших ти,, спаси мя ради милости твоея, яко пред тобою суть вси стужающии ми, и несть мне иное прибежище, токмо Ты, Господи. Да постыдятся убо вси востающии на мя и ищущии душу мою, еже потребити ю, яко Ты еси Един Сильныи, Господи, во всех, и твоя есть слава во вeки вeков, аминь.


16 КАФИСМА: Пс. 109-111 Слава: 112-114 Слава: 115-117
Тропари, глас 1: Ин мир тебe, душе, ожидает, и судии хощет твоя обличити таиная и лютая. Не пребуди убо в здешних, но предвари вопиющи судии: Боже, очисти мя и спаси мя.
Слава: Яко прегрeшeньми многими и язвами безмерными облежимь есмь. Спасе, согрeшали молю твое благоутробие, Христе: врачу недугующих, посети, и исцели, и спаси мя.
И нынe: Душе моя, что нерадиво исивeши ленящися? Что не печeшися о злых, иже содеяла еси в житии? Потщися исправитися прежде даже дверь не заключит тебe Господь. Богородице притецы, припади я возопии: упование ненадeемых, спаси мя, много к тебe прегрeшивша, владычице Пречистая.
Молитва: Господи Святыи, в Вышних живыи, и всевидящим твоим оком призираяи на всю тварь, тебe приклоняем выю души и тeлесe, и тебe молимся, Святыи святых: простри руку твою невидимую от святаго жилища твоего, и благослови вся ны, и прости нам всякое согрeшение, вольное же и невольное, словом или делом. Даруи нам. Господи, умиление, даруи слезы духбвныя от души, во очищение многих наших грeхов, даруи вeлию твою милость на мир твои и на ны недостоиныи рабы твоя. Яко благословeно и препрославлено есть имя твое, Отца и Сына и Святаго Духа, нынe и присно, и во вeки вeков, аминь.


17 КАФИСМА: Пс. 118:1-72 Слава: 118:73-131 Слава: 118:132-176
Тропари, глас 2: Согрeших к тебe, Спасе, яко блудныи сын: приими мя, Отче, кающагося, и помилуи мя, Боже.
Слава: Зову к тебe, Христе Спасе, мытарeвым гласом: очи ста мя якоже бнаго и помилуи мя. Боже.
И нынe: Богородице, не презри мя требующа заступлeния твоего; на тя боупова душа моя, и помилуи мя.
Молитва: Владыко Господи Вседержитeлю и Твбрче всех, щедрот Отец, и милости Бог, от земли создавыи человeка, и показавыи его по образу твоему и по подобию, да и тем прославится великолeпое имя твое на земли, и истбргнена убо преступлением твоих заповедеи, паки на лучшее возсоздавыи его во Христе твоем, и возведыи на небеса; благодарю ти, яко умножил еси на мне величие твое, и не предал мя еси врагом моим в конец, исторгнуги мя ищущым в пропасть адову, ниже оставил мя еси погибнути со беззаконии моими. Нынe убо, Многомилостиво и любоблаже Господи, не хотяи смерти грeшнаго, но обращения ожидаяи, и приeмляи: Иже низвeрженныя исправляяи, сокрушeнныя исцеляяи, обрати и мене к покаянию, и низвeрженнаго исправи, и сокрушeннаго исцели; помяни твоя щедроты, и яже от вeка твою непостижимую благость и моя безмерная забуди беззакония, яже делом и словом, и мыслию соверших: разреши ослепление сердца моего, и даждь ми слезы умиления на очищение скверны мысли моея. Услыши, Господи, вонми, человeколюбче, очиста, благоутробне, и от мучитeльства во мне царствующих страстеи окаянную мою душу свободи. И не ктому да содержит мя грeх, ниже да возможет на мя боритeль демон, ниже к своему хотению да ведeт мя, но державною твоею рукою, его владычества исхитивыи мя, Ты царствуи во мне, благии и человeколюбивыи Господи, и всего твоего быти, и жити мне прочее по твоеи благоволи воли. И подаждь ми неизречeнною благостию сердца очищение, уст хранение, правоту деянии, мудрование смирeнное, мир помыслов, тишину душевных моих сил, радость духовную, любовь истинную, долготерпение, благость, кротость, веру нелицемeрну, воздержание обдержатeльное, и всех мя благих плодов исполни, дарованием Святаго твоего Духа. И не возведи мене в преполовение днии моих, ниже неисправлену и неготбву душу мою восхитиши, но соверши мя твоим совершенством, и тако мя настоящаго жития изведи, яко да невозбранно прошeд начала и власти тьмы, твоею благодатию узрю и аз неприступныи твоея славы доброту неизречeнную, со всеми святыми твоими, в нихже освятися, и прославися всечестное и великолeпое имя твое, Отца и Сына и Святаго Духа, ныке и присно, и во вeки вeков, аминь.


18 КАФИСМА: Пс. 119-123 Слава: 124-128 Слава: 129-133
Тропари, глас 2: Прежде даже не осудиши мя, Господи мои. Господи, даждь ми обращение, и исправление многих моих грeхов, даждь ми умиление духовное, яко да возопию к тебe: благоутробне, человeколюбче Боже мои, спаси мя.
Слава: Несмысленным скотом уподобивыися аз, блудныи, приложихся им: обращение ми даруи, Христе, яко да прииму у тебe вeлию милость.
И нынe: Не отврати, владычице, лица твоего от мене, молящагося тебe, но, яко благоутробная Мати Щeдраго Бога, потщися прежде конца обращение мне даровати, яко да спасся тобою, воспою тя, яко спасение и упование мое, непосрамленное, Госпоже моя.
Молитва: Господи, да не яростию твоею обличиши мене, ниже гнeвом твоим накажеши мя. владыко Господи Иисусе Христе, Сыне Бога Живаго, помилуи мя, грeшнаго, нищаго, обнажeннаго, лениваго, нерадиваго, прекословнаго, окаяннаго, блудника, прелюбодея, малакия, мужеложника, сквeрнаго, блуднаго, неблагодарнаго, немилостиваго, жестокаго, пияницу, сожжeннаго сбвестию, безличнаго, бездерзновeннаго, безотвeтнаго, недостбинаго твоего человeколюбия, и достбииа всякаго мучения, и геенны, и муки. И не ради множества толиких моих согрeшении, множеству подложиши, избавитeлю мук; но помилуи мя, яко немощен есмь, и душeю, и плотию, и разумом, и помышлением, и имиже вeси судьбами спаси мя, недостбинаго раба твоего, молитвами Пречистыя владычицы нашея Богородицы, и всех святых, от вeка тебe благоугождших: яко благословен еси во вeки вeков, аминь.


19 КАФИСМА: Пс. 134-136 Слава: 137-139 Слава: 140-141
Тропари, глас 7: Благодаря, славлю тя, Боже мои, яко всем дал еси грeшником покаяние. Спасе, не посрами мене, егда приидеши судити миру всему, срамная дела сотвбршаго.
Слава: Безмерная тебe прегрeшив и безмерных мучении ожидаю. Боже мои, ущeдрив, спаси мя.
И нынe: Ко множеству милости твоея нынe прибегаю: разреши вериги, Богородице, согрeшении моих.
Молитва: Владыко Христе Боже, иже страстьми твоими страсти моя исцеливыи и язвами твоими язвы моя уврачевавыи, даруи мне, много тебe прегрeшившему, слезы умиления, сраствори моему тeлу от обоняния животворящаго тeла твоего, и наслади душу мою твоею честною кровию от горести, eюже мя сопротивник напои. Возвыси мои ум к тебe, долу привлeкшиися, и возведи от пропасти погибели, яко не имам покаяния, не имам умиления, не имам слезы утешитeльныи, возводящия чада ко своему наследию. Омрачихся умом в житеиских страстeх, не могу воззрeти к тебe вболезни, не могу согрeтися слезами, яже к тебe любве, но, владыко Господи Иисусе Христе, Сокровище благих, даруи мне покаяние всецелое, и сердце люботрудное во взыскание твое, даруи мне благодать твою, и обнови во мне зраки твоего образа. Оставих тя, не остави мене, изыди на взыскание мое, возведи к пажити твоеи, и сопричти мя овцам избраннаго твоего стада, воспитаи мя с ними от злака Божественных твоих таинств, молитвами Пречистыя твоея Матеро и всех святых твоих, аминь.


20 КАФИСМА: Пс. 143-144 Слава: 145-147 Слава: 148-150
Тропари, глас 8: Исполнение всех благих Ты еси, Христе мои, исполни радости и веселия душу мою, и спаси мя, яко Един многомилостив.
Слава: Аще и согрeших, Христе Спасе мои, пред тобою, иного Бога разве тебe не вем, дерзаю же на твое благоутробие,обращающагося приими мя, благоутробне Отче и Сыне единородно и Душе Святыи, яко блуднаго сына, и спаси мя.
И нынe: Иного прибежища и тeплаго предстатeльства, разве тебe, не вем, яко дерзновение имущи ко из тебe рождeнному, владычице, помози и спаси мя, раба твоего.
Молитва: Господи Иисусе Христе Боже мои, помилуи мя, грeшнаго, и прости ми, недостоиному рабу твоему, елика ти согрeших чрез все живота моего время, и даже до днесь, м аще что яко человeк согрeших, вольная моя прегрeшения и невольная, делом и словом, яже умом и мыслию, яже от совосхищeния и невнимания, и многая моея лености и небрежения. Аще же именем твоим кляхся, аще же лжекляхся, или хулих мыслию, или кого укорих, или оклеветах, или опечалих, или в нeчесом прогнeвах, или окрадбх, или блудствовах, или солгах, или таино ядох. или друг достиже ко мне, и презрeх его, или брата оскорбих и преогорчих, или стоящу ми на молитве и псалмопeнии, ум мои лукавыи на лукавая обхождаше, или паче лeпаго насладихся, или безумно смeяхся, или кощунно глаголах, или тщеславихся. или гордихся, или доброту суетную видех и от нея прельстихся, или нелепая мне поглумихся. Аще в чесом о молитве моеи нерадих, или заповедеи духовнаго моего отца не сохраних, или празднослових, или ино что лукавое сотворих, сия бо вся и вящая сих содeях, ихже ниже помню. Помилуи, Господи, и прости ми вся, да в мире усну и почию, поя, и благословя, и славя тя, со Безначальным твоим Отцем и с Пресвятым, и благим, и Животворящим твоим Духом, нынe и присно и во вeки вeков. Аминь.