"Стоглав"- свод постановлений церковного собора 1551 г. Решения этого собора затрагивают многие стороны церковной, социально-экономической, общественной и политической жизни Русского государства этого периода. Здесь публикуется та часть "Стоглава", которая касается взаимоотношений христианства и язычества. По изданию Е.Б.Емченко. Стоглав: Исследование и текст - М.: Издательство "Индрик", 2000 - 504 с.

С Т О Г Л А В
Глав(а) 92.
ОтвЪтъ о игрищах еллинскаго бесованиа.

Еще ж(е) мнози от неразумна простаа чадь православных христианъ въ градЪх и в селех творят еллиньское бесование, различныа игры и плескание противъ празника Р(о)ж(е)ства великаго Иоанна Пр(е)д(о)т(е)чи: и в нощи на самый празник в вес(ь) д(е)нь и до нощи мужи и жены, и дъти в домъх, и по улицам обходя, и по водам глумы творят всякими играми и всякими скомраш(е)ствы и пЪсньми сотониньскыми, и плясанми, и гусльми, и иными многыми виды, и скаредными образовании, еще же и пианьством. Подобна же сему творят во днех и в на/вечерии Р(о)ж(е)ства Х(ри)с(то)ва, и в навечерии Василиа Великаго, и в навечерии Б(о)гоявлениа. А инде иныи образомъ таковыя неподобныа дЪла творят въ Тро(и)цкую суботу. И заговЪ въ Петрова поста в первой п(о)нед(Ъ)лникъ ходят по селом и по погостом, и по рекамъ на игрища. Тая же неподобнаа еллиньскаа бесованиа творять и тЪм Б(о)га прогнЪвають. Вневидыи, съгрЪшают простаа чадь, никим же возбраняеми ни обличаеми, ни запрещаеми, ни от с(вя)щенникъ наказауеми, ни от судей устрашаеми, таковая творять неподобнаа дЪла, с(вя)тыми отцы отреченнаа. Вместо ж(е) сего бесованиа отнынъ и впред(ь) подобаетъ православные хр(и)стианом на таковыа / с(вя)тыя и ч(е)стныя празникы и посты къ ц(е)рквам Б(о)жиимъ на м(о)л(и)тву упражнятися и пЪсньми б(о)ж(е)ствеными услажатися, и с(вя)т(а)го почитаниа б(о)ж(е)ственаго съ вниманиемъ слушати, и на б(о)ж(е)ственых литоргиахъ съ страхом предстояти, и потомъ брашномъ и питиемъ в домЪхъ своих учреждатися вкупъ, о Б(о)зЪ ликоствующе с(вя)щенническымъ чиномъ и съ други своими и маломощных питающе, и веселящися въ славу Б(о)жию, а не въ пианство, яко же и в прочие Г(о)с(по)дьские праздники. И того ради по с(вя)щеннымъ правиломъ и по заповъди с(вя)тых от(е)цъ отн(ы)нЪ и впред(ь) всЪмъ православнымъ хр(и)стианом на таковая древняя еллинскаа бесованиа не исходити ни въ градЪх, ни по селом, ни по рекамъ. И о томъ бл(а)гочестивому ц(а)рю по всъмъ градом и по селом своя ц(а)рьскаа заповЪдь учинити, чтобы православныя хр(и)стиане на таковое бесование еллиньское впред(ь) не исходили и чтобы то еллиньское бесование отн(ы)н'Ь и впред(ь) Б(о)жиею бл(а)г(о)д(а)тию и в твое хр(и)столюбивое ц(а)рство попрано было до конца.

И о томъ о всемъ еллиньскомъ бесовании, игрании свидетельство от с(вя)щенных правилъ сице написахомъ. С(вя)таго вселеньскаго Шестаг(о) собора правило 50 и 51 запрещаеть всяко играние.
Тол(к). Пят(ь)десятное убо правило собора сего возбраняет играти всЪмъ: и причетником, и мирьскымъ ч(е)л(овЪ)комъ / зернью и шахматы, и тавлЪами, и влириами, рекше костьми, и прочими таковыми играми. 51 правило всякое играние възбраняет и отметает и причетником, и простымъ людем. Тако ж(е) и упивание в пианьство. Не предаде Богъ пити вина въ пианство, но в веселие, иже в печали сущимъ и в жестоких скорбех пребывающие, и многимъ попечениемъ утомляющимся или въ многых болЪзнехъ, на здравие сущим или на мало отдохновение в великих недузех изнемогающие, люто бо есть пианство. Сего ради отречено быс(ть). «Не упивайтеся, — бо рече, — вином, в нем же ес(ть) блудъ». Но и от корчемниче-скаго дйланиа и служениа клирици / возбраняются по 9-му правилу того ж(е) с(вя)т(а)го Шестаго собора. Празность бо и пианьство, и играние всему злу начало есть и погубление велие. Сего ради отрицаютъ вся б(о)ж(е)ственая писаниа и с(вя)щеннаа правила всякое играние, и зерни, и шахматы, и тавлЪи, и гусли, и смыки, и сопЪли, и всякое гудение, и глумление, и позорища, и плесание. Рече бо Г(оспод)ь: «Горе вамъ, смеющимся н(ы)нЪ, яко възрыдаете и восплачете».

И с(вя)тых ап(о)с(то)лъ правило 42 и 43 гл(агол)етъ: еп(и)с(ко)пъ или презвитеръ, или диаконъ на игры упражняяся и на пианство, или да престанет, или да изверъжется. Тако ж(е) и подиаконъ или чтець, или певець творяй — или / да престанет, или да извержется. Тако же и простый ч(е)л(овЪ)къ.

И Новая заповЪдь гл(агол)еть: аще еп(и)с(ко)пъ или презвитеръ, или диакон, или поддиаконъ, и прочий от причетникъ, игры творяй или приобщаяся играниа творящимъ, или приседя, или позоръ, или ловъ зряй — отлучается всякиа с(вя)щенныа службы и пищи дияниа своего лишается. И уставляетъ же ся ему время нЪкое к покаянию. И аще достоинъ внутрь времяни явится, покаявся, паки приходит в свой степен(ь) - м(и)л(о)сти бо ради и ч(е)л(овЪ)колюбиа Б(о)жиа сподобляется, паки с(вя)щенническаго степени, в немже аще кто бысть. Аще ли же по времени покааниа / в таковая ж(е) возвращается и упражняется — съвръшенно изгоняется от причта.

И пакы в Новых гл(агол)еть второе завещание перваго гранесии: на три лЪта тЪмъ от службы отлучатися и покаяниемъ очищатися, и тако въсходити на с(вя)щенныа своя степени. Сокращаетъ же ся тЪмъ и умиляется время покаяниа м(и)л(о)сти ради Б(о)жиа и ч(е)л(овЪ)колюбиа, аще в страсЪ Б(о)жии пребудуть. Писано бо ес(ть): «Страхомъ Г(оспод)нимъ всякъ уклоняется от зла».

Глав(а) 93.
0твет о том же еллиньском
бЪсовании и волхвовании, и чародЪании.

Правило 61 и 62 с(вя)таго Шестаго събора с(вя)тых от(е)цъ возбраняетъ к волхвомъ ходити и запрещаетъ православных хр(и)стианомъ поганских и еллиньских скверных обычаевъ и игръ, и плесаниа, и плесканиа, и над делвами, сирЪчь над бочками, и над корчагами квасъ призывающе и грохочюще, и прочихъ неподобных дЪлъ творити.
И о всемъ о томъ тол(к) 61 правила. "Иже послЪдують поганьскым обычаем и к волъхвомъ или ко обавником ходят, или в домы своя тЪх призывають, хотящей увидети от них нЪкаа неизреченнаа,/ тако ж(е) и кормящий и хранящей медвЪди или иная нЪкая животнаа на глумление и на прелщение простЪйших ч(е)л(ов'Ь)къ, и иже в получай вЪрують и в родословие, рекше в рожданица, и во обаяника и иже гл(агол)ются облаки гонящей — таковая творящимъ повелЪ с(вя)тый соборъ 6 лЪтъ запрещение даяти. Яко ж(е) за 4 лЪта — да стоятъ с припадающими. Друзии же два лЪта — да стоятъ с вЪрными. И тако да сподобятся б(о)ж(е)ственых даровъ. Аще же неисправлении будуть и по запрещении еллинских сихъ хитростей не останутся — от ц(е)ркви всячески всюду да изъженутся. О волъсвЪх же и обавницахъ / рЪша б(о)гоноснии .отцы и ц(е)рковнии учителие. Паче ж(е) инЪх Златаустый гл(агол)еть, яко: волшествующеи и обавление творящей, аще С(вя)тыя Тро(и)ца имя нарицаеть, аще и с(вя)тыа призывають, аще и знамение ч(е)стнаго кр(е)ста Х(ри)с(то)ва творятъ — 6Ъгати подобаетъ от них и отвращатися.

О том же еллиньском бесовании. Того ж(е) правила 62. Каланды и вота, и врумалиа еллиньскы и по греческым языком гл(агол)ется, еже есть первии дние коегождо м(е)с(я)ца. Ноипаче ж(е) марта м(е)с(я)ца празнование велие торжествено сътворяюще и играниа многаа съдевашес(я) / по елиньскому обычаю. Се же съборъ всЪх сихъ и подобных симъ играниа творящие отметаетъ и запрещает. Сице же и женскаа в народЪхъ плясаниа, яко срамна суща и на смЪх, и на блуд въставляюща многых. Тако же мужем и отроков и женским одЪаниемъ не украшатися, ни же просто женскаа одЪаниа носити, ни женам в мужъскаа одЪаниа облачитися, но комуждо подобнаа своя одЪяниа имЪти и от сего познаватися. Тако ж(е) неподобных одЪаний и пЪсней, плясцевъ и скомраховъ, и всякого козногласованиа, и баснословиа ихъ не творити. Егда же вино топчють или егда вино в сосуды преливають, или иное кое питие / сливат, гласование и вопль велий творятъ неразумнии по древнему обычаю еллиньскаа прелести, еллиньскаго бога Диониса, пианьству учителя, призывают и, гласящи великимъ гласом, квасъ призывають и вкусъ услажають, и пианьство величають. Сей ж(е) с(вя)тый соборъ сихъ всъхъ не повелъвает творити. Неповинующих же ся — запрещает. Пребывающих же в том, аще причетницы суть — изметает, аще ли мирьскии суть — отлучаетъ. К сим же прочти и с(вя)тых ап(о)с(то)лъ правило 42 и 43 и иже в Лаодикии собора правило 53 и 54, и собора, иже в Труле, правило 24 и 50, и 51, и иже в Карфагене собора правило 60 и 61. Инде ж(е) 64 / и 65, и 15 правило того ж(е) Карфагеньскаго собора гл(агол)еть, яко: чада с(вя)щенническаа позорища не творятъ, ни же зазирають позоръствованиа. Се же и всЪм хр(и)стианомъ предано есть и яко: идЪ ж(е) хулениа бывают — не приходити. И Новыя заповеди Устиниана ц(а)ря последующе с(вя)щенным правиломъ въ 37 главизнЪ отрицают играние всякое и позоръствование творити всЪмъ с(вя)щенным еп(и)ск(о)пом и презвитеромъ, и диакономъ, и поддиакономъ, и четцом, и певцом, и прочимъ причетником, и инокомъ, и прочимъ.

О TOМ же еллиньскомъ бесовании правило 65 Шестаго собора./ Вжизаемыя огнища в новыа м(е)с(я)ца ото нЪких пред своими дЪлателницами и пред домомъ, яже и предскакати нЪции по никакому древнему обычаю блядуть, отселЪ престати повелеваем. Иже убо таковое что сотворить, аще клирикъ будет — да извержется, аще простецъ — да отлучится. Писано бо есть в Че(тве)ртом ц(а)рьствЪ: «И созда Манасиа требник всему воиньству н(е)б(е)сному пред двема дворы дому Г(о)с(по)дня и проведе чада своя по огню, и волшествоваше, и вражаше, и сотвори волъшебницъ и угадателей, и умножи и множи сотворити злое пред Г(о)с(подо)мъ, яко прогнЪвати Его». Тол(к). НЪцыи пред храмы своими, идЪ же купят или продают,/ или пред враты домовъ своих, пожар запаливъ, предскакаху по древнему никоему обычаю. И, се упражняюще, отцы повелевают, аще убо обрящется причетникъ, таковое нЪчто творя — да извержется, мирской ж(е) ч(е)л(ов'Ь)къ — да отлучится, ибо и Манасиа ц(а)рь сквозЪ пламень провед чада своя, и волшествуя, разгневи Б(о)га. Тол(к) тому же. Сей с(вя)тый соборъ многыя обычая древняя возбрани и отмета, яко же гл(агол)емыя каланды, и иная многая отверже. Тако ж(е) и сиа, иже марта м(е)с(я)ца и в прочая новыя м(е)с(я)цы волъхвованиа сотворяющая или в Великий четвергъ труд полагають въ древо, и то древо, иже имать въ обоих концах труд, концы полагают в два древа,/ и трыют дондеж(е) огнь изыдет, и той огнь вжызають во вратЪх или прей враты домовъ своих, или прей торговищи своими сюду и сюду. И тако сквозЪ огнь проходяще з женами своими и с чады своими, по древнему обычаю влъхвующе, яко же писано есть в Четвертое ц(а)рьствии о Манасии ц(а)ри, иже сквози огнь проведе чада своя, вражаше и волхвуяше, и разгневи Б(о)га. Всякое бо волхвование отгаречено есть Б(о)гомъ, яко бесовское служение есть. Сего ради соборъ сей отн(ы)нЪ таковаа творити не повелЪ есть и запрещает причетникомъ — извержениемъ, простым же — отлучениемъ.

http://www.kurgan.kiev.ua/stoglav.html


Стоглав

Гл. 54. Божественная писания и священная правила и законы не повелевают мирским судьям судити священников и прочих причетников и иноков, но вся священная мужи и прочая вся церкви, большая же и молитвенныя храмы и сих область и господства все и владычество и управление попеченое местным епископом повелевают имети... Мирским же наипаче не подобает к священным чином и властем, и степенем и причтом прикасатися или судити сих и управляти. Аще и согрешит от сих кто, от Бога истязан будет... В случаях спора между духовными и светскими лицами (гл. 56) клирикам, священникам, епископам запрещается предпочитать светский суд духовному под угрозой лишения места. Предусматривается денежная ответственность светского лица, покушавшегося осуществить суд над лицами, находящимися под опекой церкви (гл. 58).

Гл. 62. Великие паче инех иже во человецех дива есть дара Божия от вышняго дарована человеколюбия: священничество же и царство, ово убо Божественным служа, се же человеческими владея и пекийся, от единого и того же начала обоя происходят, человеческое украшают житие, якоже ничтоже тако бывает поспешение царству якоже святительскя честь, об обоих самех тех присно вси Богови молятся. Аще бо они непорочни будут во всем и к Богу имут дерзновение и праведно и подобно украшати начнут преданныя им грады и сушия под ними, будет согласие некое благо все еже добро человечестей даруя жизни.

(Российское законодательство X-XX веков. В девяти томах. Т. 2. - М., "Юридическая литература", 1985. С. 329-344; О свободе совести, вероисповеданий и религиозных объединениях. Российские и международные правовые документы (в извлечениях) / Сост. Ю.П.Зуев и В.П.Крушеницкий. - Москва, 1996 г.)